Աստված իմ ,ես չեմ խնդրում հրաշքներ ու տեսիլքներ,ես խնդրում
եմ ուժ՝ամեն օրվա համար:Սովորեցրու ինձ փոքրիկ քայլերի արվեստը:
Խնդրում եմ քեզանից չափավորություն և զսպվածություն ,
որպեսզի իմ կյանքի ընթացքում չթռչեմ ու չսողամ ,այլ
կարողանամ ծրագրել իմ օրը՝օրվա ընթացքում ,կարողանամ
տեսնել բարձրունքներն ու հեռուները:
Օգնիր ինձ հասկանալ ,որ երազանքները չեն կարող
օգնել. ոչ անցյալի և ոչ էլ ապագայի մասին երազանքները:
Օգնիր ինձ լինել այստեղ և հիմա,ընդունել այս րոպեն
որպես ամենակարևորն ու գլխավորը:Պահպանիր ինձ
այն միամիտ հավատից,որ այս կյանքոււմ ամեն ինչ պետք է
հարթ լինի:Տուր ինձ հստակ գիտակցություն ,որ դժվարությունները,ձախողումները,պարտությունները
և անհաջողությունները
կյանքի բնական բաղադրիչ մասն են ,որոնց շնորհիվ մենք
աճում ենք ու հասունանում :
Հիշեցրու ինձ ,որ հաճախ սիրտը վիճում է բանականության հետ:
Անհրաժեշտ պահին ուղարկիր ինչ-որ մեկին ինձ մոտ ,ով
քաջություն կունենա ասել ինձ ճշմարտությունը,ասել ինձ սիրելով:
Ես գիտեմ ,որ շատ խնդիրներ որոշվում են ,երբ ոչինչ չես
ձեռնարկում :Այդ դեպքում
տուր ինձ համբերություն :Դու գիտես,թե մենք ինչքան շատ ենք
զգում ընկերության կարիք:Թույլ տուր արժանի լինել ճակատագրի
հրաշալի և քնքուշ այդ նվերին:
Դարձրու ինձ մարդ ունակ ՝թակելու այն դռները,որոնք
ամենաներքևում են:
Պահպանիր ինձ այն վախից ,որ ես կարող եմ ինչ-որ բան բաց
թողնել այս կյանքում:
Տուր ինձ ոչ թե այն ,ինչ ես եմ խնդրում ինձ համար ,այլ
այն ,ինչն իսկապես
անհրաժեշտ է ինձ:
Եվ խնդրում եմ նորից ՝սովորեցրու ինձ փոքրիկ
քայլերի արվեստը:
Комментариев нет:
Отправить комментарий